ANAYETAKA KUNIKERA ANIKANYAGIE UCHUMI WANGU - RAIS SAMIA

Rais wa Jamhuri ya Muungano wa Tanzania Dkt. Samia Suluhu Hassan

..................................... 

KATIKA  hafla ya kupokea gawio na michango kutoka mashirika na Taasisi za umma, Rais wa Jamhuri ya Muungano wa Tanzania Mhe. Dkt. Samia Suluhu Hassan, amewaeleza viongozi mbalimbali walioshiriki katika hafla hiyo na kutoa ujumbe kwa Watanzania ya kuwa mtu atakayetaka kukanyaga uchumi wa Taifa letu la Tanzania moja kwa moja mtu huyo atakuwa sehemu ya kumkera yeye kama kiongozi mkuu wa Taifa hili.

Rais Samia amesema wazi ikiwa ni katika kuonesha dhamira yake ya dhati ya kutaka kuona mageuzi makubwa ya kukua kiuchumi kwa Taifa letu kwa kuzingatia utekelezaji wa ilani uchaguzi ya CCM (2020/2025) , sera na miongozo katika Taifa.

Aidha, Rais Samia amesema kuwa katika hatua za kupata mageuzi ya kiuchumi wapo baadhi ya watu watakaokanyagwa ambao wataonesha kutokwenda mbele.

" Katika mageuzi haya tutawakanyaga watu wengi sana wale ambao hawataki kwenda mbele na ndio watakaopiga kelele nyingi sana..sasa ndugu yangu wewe, mwanangu wewe uliye kwenye shirika ambaye hutaki kukanyagiwa nguru wako nenda kachape kazi.. " alisema Rais Samia.

" ..leteni mageuzi, chapeni kazi kwenye mashirika ili tuone tija ikionekana basi hatutakanyaga nguru wako lakini kama utataka kunikanyagia mimi nguru wangu wa uchumi..aaah na mimi nitamkanyaga wako...tufanye kazi ili tulete tija kwa Taifa, makelele tusiyasikilize, tupande mti kisha tukishuka tutawauliza mnasemaje.. " alisema Rais Samia.