BARRICK YADHAMINI MAADHIMISHO YA WIKI YA UTAFITI NA UVUMBUZI UDSM

Mkurugenzi wa Elimu ya Juu , Wizara ya Elimu , Sayansi na Teknolojia , Profesa Peter Msofe akimkabidhi cheti ya udhamini na kutambua mchango wa Kampuni ya Barrick kwenye  maadhimisho ya kumi ya wiki ya Utafiti na Uvumbuzi uliyoandaliwa na Chuo Kikuu cha Dar es Salaam kwa Meneja wa Barrick nchini , Dkt Melkiory Ngido hafla ilifanyika jana kwenye viwanja vya chuo kikuu jijini Dar es Salaam.

.......................................

Na Mwandishi Wetu, Dar es Salaam 

KATIKA mwendelezo wa dhamira yake ya kuendeleza  vipaji na kukuza utafiti nchini, kampuni ya Barrick nchini imekuwa mmoja wa wadhamini wa maadhimisho ya kumi ya wiki ya Utafiti na Uvumbuzi uliyoandaliwa na Chuo Kikuu cha Dar es Salaam ambapo imetunukiwa cheti cha tuzo kutokana na udhamini huo.

Katika maadhimisho ya mwaka huu Barrick imetoa shilingi milioni 10  kwa mmoja wa washindi katika utafiti Dkt. Juma Mmongoyo, kutoka   Mkwawa University College of education (MUCE) kwa mradi wake wa utafiti kuhusu “Mbinu za kudhibiti mdudu mharibifu wa nyanya kwa ajili ya ukuaji wa zao la nyanya mkoani Iringa.

Barrick mbali na udhamini huo imekuwa imekuwa ikidhamini programu mbalimbali za  utafiti ,uvumbuzi,na  inazo programu za mafunzo ya vitendo kwa wanafunzi wanaosoma katika vyuo vikuu na vya kati kwenye migodi yake nchini ya North Mara na Bulyanhulu ambayo inaiendesha kwa ubia na Serikali kupitia kampuni ya Twiga Minerals pia imekuwa kila mwaka ikifadhili semina za kuwajengea wanafunzi wa vyuo vikuu uwezo kupitia taasisi ya AIESEC Tanzania.

Semina za Aiesec zinazoendelea katika vyuo vikuu mbalimbali nchini zinazidi kuwapatia Wanafunzi utambuzi wa kujua fursa zilizopo nchini na jinsi ya kuzitumia kuendeleza maisha yao,kupata ajira, kujiajiiri na kutengeneza fursa za ajira.

Meneja wa Barrick nchini , Dkt Melkiory Ngido (wa pili kushoto) akimkabidhi hundi ya Tsh 10 millioni kwa Dkt Juma Mmongoyo (Katikati mwenye miwani ) aliyeibuka mshindi kwenye mashindano ya tafiti na ubunifu baada ya andiko lake  kuhusu “Mbinu za kudhibiti mdudu mharibifu w nyanya kwa ajili ya ukuaji wa zao la nyanya Mkoani , Iringa “ wa pili kulia ni Mkurugenzi wa Elimu ya Juu , Wizara ya Elimu , Sayansi na Teknolojia , Profesa Peter Msoffe na wa kwanza kulia ni Makamu Mkuu wa Chuo Kikuu cha Dar es salaam, Profesa William-Andey Lazaro Anangisye

Meneja wa Barrick nchini, Dkt Melkiory Ngido akiuliza swali kutoka kwa vijana wa Chuo Kikuu kuhusu uvumbuzi na utafiti kwenye moja ya mabanda kwenye viwanja vya Chuo Kikuu cha Dar es salaam kwenye maadhimisho ya kumi ya wiki ya utafiti na uvumbuzi ulimalizika jana , kushoto ni Mkurugenzi wa Elimu ya Juu kutoka wizara ya Elimu , Sayansi na Teknolojia , Profesa peter Msoffe

Meneja wa Barrick nchini, Dkt Melkiory Ngido akisisitiza jambo kuhusu tafiti na ufumbuzi kwenye maadhimisho ya kumi ya tafiti na ubunifu yalioandaliwa na Chuo Kikuu Cha Dar es Salaam kwa viongozi waandamizi wa Wizara ya Elimu   Sayansi na Teknolojia na wa Chuo Kikuu cha Dar es Salaam.