RC HALIMA DENDEGO KARIBU SINGIDA KUONGEZA KASI YA MAENDELEO YA RAIS SAMIA

................................

Na Dotto Mwaibale, Singidani Blog.

RAIS wa Jamhuri ya Muungano wa Tanzania katika kuboresha utendaji kazi wa Serikali amefanya mabadiliko ya Wakuu wa Mikoa, Makatibu Tawala wa Mikoa, Wakuu wa Wilaya, Wakurugenzi wa Halmashauri za wilaya na wengine kuhamishiwa katika vituo vingine vya kazi.

Kwa Mkoa wa Singida katika mabadiliko hayo aliyekuwa mkuu wa mkoa huo Peter Serukamba amehamishiwa kuwa Mkuu wa Mkoa wa Iringa na aliyekuwa Mkuu wa Mkoa wa Irinda Halima Dendego amehamishiwa kuwa Mkuu wa Mkoa wa Singida.

Katika nafasi ya Wakuu wa Wilaya waliopata uhamisho ni aliyekuwa Mkuu wa Wilaya ya Singida, Mhandisi Paskas Muragili ambaye amehamishiwa Wilaya ya Bukombe huku aliyekuwa Mkuu wa Wilaya ya Bahi, Godwin Gondwe  akihamishiwa kuwa Mkuu wa Wilaya ya Singida.

Kwa upande wa Wakurugenzi wa Halmashauri za Wilaya aliyekuwa Mkurugenzi wa Halmashauri ya Wilaya ya Manyoni, Jimson Mhagama amehamishiwa kuwa Mkuu wa  Wilaya ya Same na Annastazia Ruhamvya aliyekuwa Mkurugenzi wa Halmashauri ya Wilaya ya Same kuhamishiwa Wilaya ya Manyoni.

Aidha, aliyekuwa Mkurugenzi wa Halmashauri ya Wilaya ya Itigi, John Mgalula amehamishiwa kuwa Mkurugenzi wa Halmashauri ya Wilaya ya Kilindi na nafasi yake kuchukuliwa na Ayubu Kambi aliyekuwa Mkurugenzi wa Halmashauri ya Mji wa Mafinga.

Bodi ya Wakurugenzi ya Blog ya Singidani inatoa pongezi kwa Mhe. Halima Omary Dendego kwa kuwa Mkuu wa Mkoa mpya wa Singida na kuwa kiongozi wa wasaidizi wake wote. Bodi hiyo inawakaribisha Singida na kuwa itaendelea kuwapa ushirikiano mkubwa wa kuandika habari za maendeleo ili kumsaidia Rais Samia Suluhu Hassan kuongeza kasi ya kuinua uchumi wa wana Singida  na nchi kwa ujumla kama ilivyokuwa ikifanya  kwa aliyekuwa Mkuu wa Mkoa wa Singida  Peter Serukamba ambaye amehamishiwa Mkoa wa Iringa.