NEEC KUPITIA PROGRAMU YA IMASA KUWAWEZESHA WANAWAKE DAR ES SALAAM WATAKAO JIIBULIA FURSA ZA BIASHARA

Mkuu wa Mkoa wa Dar es Salaam, Albert Chalamila (katikati) ambaye alikuwa mgeni rasmi akipiga makofi wakati wa hafla ya uzinduzi  uzinduzi wa programu ya Imarisha Uchumi na Mama Samia (IMASA) .Kutoka kushoto ni Mkuu wa Wilaya ya Ilala, Edward Mpogolo, Katibu Mtendaji wa Baraza la Taifa la Uwezeshaji Wananchi Kiuchumi (NEEC) , Bi Beng’I Issa,, Mshauri wa Rais wa Mambo ya Wanawake na Makundi Maalum , Bi Sophia Mjema na Mshauri wa Uchumi wa Mkoa wa Dar, Dkt Elizabeth Mshote

...............................

 

Na Mwandishi Wetu, Dar es Salaam

BARAZA la Taifa la Uwezeshaji Wananchi Kiuchumi (NEEC) limewataka akinamama wa Mkoa wa Dar es Salaam kutumia fursa za kibiashara zinazopatikana katika Mkoa huo ili kuanzisha shughuli za ujasiriamali na biashara ili kuleta matokeo chanya kwenye Familia zao na Taifa kwa ujumla.

Hayo yalisemwa na Mkuu wa Mkoa wa Dar es Salaam, RC Albert Chalamila wakati wa uzinduzi wa Programu ya Imarisha Uchumi na Mama Samia (IMASA) katika Mkoa huo ambapo alisema kwamba kuna umuhimu kwamba wakinamama wachukue changamoto na matatizo mbalimbali kama fursa za kuweza kuinuka kiuchumi.

Alisema kwamba Mheshimiwa Rais Samia Suluhu Hassan amekuja na programu hii ili kumuwezesha mwanamke wa nchini kutoka kwenye lindi la umasikini na anaendelea kushughulikia na mikopo ya wanawake na watu kwenye makundi maalum ili iende kwa walengwa.

“Juhudi za kila siku za shughuli za kijasiriamali ndio zitakazotutoa kimaisha na kuendelea kuchangamkia fursa za kiuchumi,” alisisitiza

Alisema hayo jana katika unzinduzi wa program ya Imarisha Uchumi na Mama Samia (IMASA) inayotekelezwa na baraza hilo ambapo prongram ilizinduliwa kwa mkoa wa Dar es Salaam.

Tunampongeza Rais Mama Samia kwa kutuletea program hii Imarisha Uchumi na Mama Samia katika mkoa wetu, na sisi tumeipokea program hii kwa mikono miwili, na tunalenga kutekeleza kwa vitendo na lengo letu azma hiyo iweze kutimia.

Alisema Mkoa wa Dr es Salaam unafursa nyingi zikiwemo za kilimo cha mbogamboga, ufugaji wa kuku, Samaki ni kwenye mabwawa ya kuchimba.

“kwa sasa mkoa huu unajipanga kuendelea kujenga masoko makubwa ya kisasa katika kila wilaya nak ama mnavyojua kwamba soko la Kariakoo linajengwa la kisasa zaidi na lipo katika hatua za mwisho,’ alisema RC Chalamila

Aliongeza kwamba Mheshimiwa Rais Samia Suluhu Hassan ana ndoto za kuwawezesha wanawake wa nchini kiuchumia kwa kutaka kuwaunganisha na biashara na fursa zitokanazo na miradi ya kimkakati unayoendelea hapa nchini.

Alisema kwamba serikali ya Mkoa itaendelea kuwahamasisha wakinamama katika juhudi za kutaka wajihusishe na shughuli za ujasiriamali kwa kutumia fursa zilizopo za miundombinu ya reli, Barabara na kiwanja cha ndege kwa ajili ya usafirishaji wa bidhaa mbalimbali.

Kwa upande wake, Katibu Mtendaji wa baraza hilo, Beng`i Issa alisema baraza lake kupitia programa ya Imarisha Uchumi na Mama Samia imekuja kuwakwamua wanawake, vijana na makundi maalumu kufanya shughuli za kijasiriamali.

`Baraza la linatambua Mkoa wa Dar es Salaam mkoa unahitaji maeneo kwa ajili ya kusindika mazao yao, kuwa na masoko (super market) ili wateja waweze kwenda kununua bidhaa zilizotengenezwa hapa nchini.

Alisema baraza limejipanga kuwaunganisha wanawake na taasisi mbalimbali ikiwemo ya Shirika la Viwanda Vidogo Vidogo (SIDO) pamoja na Shirika la Viwango Tanzania (TBS) ili kupata technolojia na vibali mbalimbali.

Alifafanua kwamba baraza linaprogram mbalimbali ikiwemo ya local content ili watanzania waweze kushiriki katika miradi mikubwa kama ya SGR, bomba la mafuta.

Programa nyingine nyingine ni ya ufundishaji somo la ujasiriamali kuanzia shule ya msingi hadi vyuo vikuu lengo ni kuwaandaa watanzania kuwa wajasirimali na kuchangia uchumi wa taifa.

Vilevile aliwataka wanawake wa mkoa wa Dar es Salaam kuwa na nidhamu ya fedha kwa kuweka katika akaunti  au katika vibubu ili kuendeleza biashara zao.

Jiungeni katika vikundi vya VICOBA ili kusaidia kuweka fedha na kukopa kwa vile mnakopeshana kwa riba nafuu na kujiepusha na ukoaji katika vikundi vya kausha damu.

Serikali ina mifuko mbalimbali ya uwezeshaji mikopo lakini ili kupata mwanahitajika kufuata masharti kupata fedha hivyo kila mmoja anahitajika kukidhi vigezo na kutunza kumbikumbu ili kupata fedha.

Bi Issa alisema kwamba programu hiyo ya Imasa moja ya jukumu lao ni kupitia  program ya IMASA kuwezesha wanawake wa Dar es Salaam watakaojiibulia fursa za kibiashara.Mshauri wa Rais katika mambo ya Wanawake na Makundi Maalum, B.Sophia Mjema akiteta Jambo na Katibu wa Baraza la Uwezeshaji Wananchi Kiuchumi (NEEC), Bi Beng'i Issa wakati wa Uzinduzi wa Program ya Imarisha Uchumi na Mama Samia kwa Mkoa wa Dar es Salaam.Katibu wa Baraza la Uwezeshaji Wananchi Kiuchumi (NEEC), Bi Beng'i Issa (kulia) akiserebuka na viongozi wengine wakati wa uzinduzi wa Program ya Imarisha Uchumi na Mama Samia kwa Mkoa wa Dar es Salaam. Katikati mwenye kilemba (cheupe) ni  Mshauri wa Rais katika mambo ya Wanawake na Makundi Maalum, Bi.Sophia Mjema. Wengine ni makundi ya Wanawake.