NEEC YASHAURI MAKUNDI YA KINAMAMA YAJIANDAE KUFANYA BIASHARA NA VIWANDA NA MIRADI YA SERIKALI

Matibu Mtendaji wa Baraza la Uwezeshji Wananchi Kiuchumi (NEEC), Bi. Beng’i Issa akizungungumza na Makundi ya Kinamama, Vijana na Makundi Maalumu wakati baraza hilo lilipoifikisha program ya Imarisha Uchumi na Mama Samia (IMASA) 

Na Mwandishi, Wetu Mtwara

Baraza la Uwezeshaji Wananchi Kiunchumi (NEEC) kupitia program ya Imarisha Uchumi na Mama Samia (IMASA) limeyashauri makundi ya kinamama, vijana na makundi maalumu Mkoaani Mtwara kujisajili  kupata sifa ya kufanya biashara na viwanda vikubwa na miradi mbalimbali ya serikali ili kuondokana  na hali duni ya vipato na kushiriki katika uchumi wa taifa

Katibu Mtendaji wa Baraza hilo, Bi. Beng”i Issa alitoa ushuri huo kwa makundi hayo jana wakati baraza hilo lilipoifikisha programa ya IMASA katika Mkoa wa Mtwarwa kuwa makundi hayo yanahitajika kujisajili na kukidhi vigezo ili yaweze kuunganishwa kufanya biashara na viwanda vikubwa na miradi mbalimbali ya serikali kwa nia ya kuondokana na vipato duni na kushiriki katika uchumi wa taifa.

“Mkoa huu wa Mtwara unafursa ya uwepo wa viwanda vikubwa na miradi mbalimbali ya serikali inayotekelezwa na inayokuja mtaunganishwa nayo kibiashara ili mshiriki katika uchumi wa taifa,” na hii ndiyo kazi ya baraza ya uwezeshaji wananchi kiuchumi, alisema Bi. Beng”i.

Alisema katika mkoa wa Mtwara kunamiradi inakuja ikiwemo ya gesi, upanuzi wa uwanja wa ndege na bandari hivyo makundi hayo au wafanyabiashara watahitajika kutoa huduma za bidhaa kama za saruji, changa, kokoto, na hata chakula, shughuli za ulinzi na usafi.

Akifafanua zaidi alisema uwekezaji unaofanywa na wageni au wafanyabiahara wa ndani lazima kuwe na mpango wa kushirikisha watanzania kupata ajira za ujuzi na zisizo za ujuzi na kutoa huduma mbalimbali.

Bi, Beng”I alisema ili kupata fursa hizo wanahitajika kujipanga kuwa katika vikundi hivyo au mtu mmojamoja na kusajiliwa, kuwa na vitambulisho vya NIDA, akaunti benki, kuwa na biashara na  mitaji na hiyo itasaidia kupata takwimu halisi na kupanga vipaumbele vya mkoa

Alisema program hiyo ya IMASA inaawamu mbili ya kwanza kupata taarifa na kutengeneza kanzidata na awamu ya pili ni ya kutoa uwezeshaji na progrwamu hiyo ni kwa nchi nzima.

Mkuu wa Mkoa wa Mtwara, Bw. Patrick Sawala alisema wamepokea programa ya IMASA na kuitekleza pamoja na watalaam kuhakikisha wananchi wanatumia fursa hiyo kushiriki katika uchumi wa taiafa lao.

“Tumeletea program na nawaomba wananchi watumie fursa za kilimo, ufugaji, uvuvi na usindikaji wa mazo,” na aliongeza kusema pia mkoa huo kuna kilimo cha mwani, ufugaji wa majongoo, utalii wa kitamaduni na kutembelea mbuga.

Alisema ,mkoa wake vijiji na vitongoji vyote vinatarajia kupata nishati ya umeme ambyo itakuwa chachu ya kuanzisha viwanda vidogo na biashara kusaidia kukuza vipatoa kwa wananchi.

Naye wananchi Bi. Khadija Mela alisema amepata elimu kuwa aliyeanza biashara aendelee na wasionabiashara wajiunge katika vikundi au mtu mmojammoja ili kupata uwezeshaji.

“watu ambao hawajafika kupata elimu hii wakisikia tena wafike lakini na sisi tunaenda kuwa mabalozi kwa vile ni program inayolenga kutukomboa kiuchumi akinamama,”alisema.

Kwa Upande wake Fadhili Ngavuja alisema anashukuru program nia ya kutaka kuwakwamua mkundi hayo na yeye amejiunga kwa ajili ya kuingia katika kanzidata ya baraza ili kupata uwezeshaji na anataraji atakuwa kijana mpya na kushiriki kukuza uchumi.

Kativu Mtendaji wa Baraza la Uwezeshji Wananchi Kiuchumi (NEEC), Bi. Beng’i Issa akizungungumza na Makundi ya Kinamama, Vijana na Makundi Maalumu hawapo pichani wakati baraza hilo lilipoifikisha program ya Imarisha Uchumi na Mama Samia (IMASA) kushoto ni Mkuu wa Mkoa wa Mtwara, Bw. Patrick Sawala.Makundi ya Kinamama, Vijana na Makundi Maalumu wa Mkowa Mtwara wakipata mafunzo ya ujasiriamali wakati Baraza la Uwezeshaji Wananchi Kiuchumi (NEEC) lilipoifikisha program ya Imarisha Uchumi na Mama Samia (IMASA) mkowani Mtwara. Picha na mwandishi wetu, Mtwara.Katibu Mtendaji wa Baraza la Uwezeshji Wananchi Kiuchumi (NEEC), Bi. Beng’i Issa akizungungumza na Makundi ya Kinamama, Vijana na Makundi Maalumu wakati baraza hilo lilipoifikisha program ya Imarisha Uchumi na Mama Samia (IMASA) 

Makundi ya Kinamama, Vijana na Makundi Maalumu wa Mkowa Mtwara wakipata mafunzo ya ujasiriamali wakati Baraza la Uwezeshaji Wananchi Kiuchumi (NEEC) lilipoifikisha program ya Imarisha Uchumi na Mama Samia (IMASA) mkowani Mtwara.